នៅថ្ងៃទី១៦ ខែធ្នូ ឆ្នាំ២០២៣ ក្រុមហ៊ុន ហួយវ័ន អុិនសួរេន ម.ក បានរៀបចំកម្មវិធីជប់លៀងបុគ្គលិកចុងឆ្នាំ២០២៣ នៅរមណីយដ្ឋាន Knai Bang Chatt Resort ខេត្តកែប ដើម្បីអបអរសាទរសមិទ្ធផលរបស់យើង និងពង្រឹងចំណងមិត្តភាពរវាងថ្នាក់ដឹកនាំ និងបុគ្គលិកទាំងអស់។

ការប្តេជ្ញាចិត្ត និងការលះបង់ក្នុងការបំពេញភារកិច្ចកន្លងមកនេះបានជំរុញយើងឱ្យទទួលបានជោគជ័យ ហើយយើងសូមថ្លែងអំណរគុណចំពោះការខិតខំរបស់អ្នកទាំងអស់គ្នា ។កម្មវិធីនេះគឺជាបទពិសោធន៍ផ្លាស់ប្តូរមួយសម្រាប់គណៈគ្រប់គ្រង និងបុគ្គលិក តាមរយៈការសន្ទនា សកម្មភាពកសាងក្រុម និងការពិសាអាហារ ដែលធ្វើឱ្យគ្រប់គ្នាមានអារម្មណ៍ថាទទួលបានថាមពល និងរួបរួមគ្នា ក្នុងការដោះស្រាយនឹងបញ្ហាប្រឈមនាពេលខាងមុខ។

ហួយវ័ន អុិនសួរេន សូមជូនពរដល់គណៈគ្រប់គ្រង បុគ្គលិកទាំងអស់ រួមទាំងក្រុមគ្រួសារ មានសុខភាពល្អ សុភមង្គល និងភាពចម្រុងចម្រើន។ សូមអបអរសាទរការចាប់ផ្តើមនៃឆ្នាំថ្មី ឆ្នាំ២០២៤ ខាងមុខនេះជាមួយនឹងពិធីជប់លៀងបុគ្គលិកចុងឆ្នាំរបស់យើង និងការបង្កើតអនុស្សាវរីយ៍ជាមួយគ្នា។