កាលថ្ងៃទី០៥ ខែឧសភា ឆ្នាំ២០២៥ អំឡុងពេលខួបទី ៧០ នៃកាកបាទក្រហមកម្ពុជា លោកស្រី សាលី ស៊ូឡឺវ៉ាន់ អគ្គនាយិកានៃក្រុមហ៊ុន ប្រូថេវ៉ា​ អុិនសួរេន បានបរិច្ចាគថវិកាចំនួន ២០០ដុល្លារសហរដ្ឋអាមេរិក ដល់កាកបាទក្រហមកម្ពុជា។ ការបរិច្ចាគដ៏សប្បុរសនេះ ក្រោមមូលបទ “ រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ"។

ការប្ដេជ្ញាចិត្តរបស់លោកស្រី សាលី ស៊ូឡឺវ៉ាន់ ចំពោះទំនួលខុសត្រូវសង្គម និងសុខុមាលភាពសហគមន៍ពិតជាគួរឲ្យកោតសរសើរ។ សកម្មភាពរបស់លោកស្រី​​ បានក្រើនរំឭកយើងទាំងអស់គ្នាថា យើងអាចបង្កើតអនាគតដ៏ត្រចះត្រចង់សម្រាប់អ្នកដែលកំពុងត្រូវការជំនួយ ដោយពង្រឹងទំនាក់ទំនងដ៏សំខាន់រវាងការទទួលខុសត្រូវសាជីវកម្ម និងសុខុមាលភាពសហគមន៍។